A Facultade de Socioloxía abre as súas portas en A Coruña no ano 1990 para a impartición da Licenciatura de Socioloxía que, posteriormente, adaptouse según os requisitos do Espacio Europeo de Educación Superior, no Grao de Socioloxía. Neste Centro Académico estanse a impartir tres titulacións de Mestrados Oficiais que poden interpretarse como itinerarios de especialización da disciplina sociolóxica: ‘Máster Universitario Oficial de Políticas Sociais: Xénero, Migracións e Envellecemento’, o ‘Máster Universitario en Planificación e Xestión de Destinos e Produtos Turísticos’ e o ‘Máster en Métodos Avanzados de Investigación e Innovación na Análise Social ’. A Facultade de Socioloxía tamén é a Sede do Programa de Doutoramento en Ciencias Sociais e do Comportamento.
O Programa Green Campus ocupase da implementación dos procedementos de xestión ecolóxica nas universidades. Desde o ano 2018 a Facultade de Socioloxía participa no programa a través de iniciativas centradas na promoción da responsabilidade social como parte da sustentabilidade. Estase a traballar especialmente en fomentar valores colaborativos que potencien unha educación para o desenvolvemento e promover ámbitos de transferencia da aprendizaxe nas aulas cara ao exterior.
A Facultade de Socioloxía, en colaboración coa Vicerreitoría de Estudantes, Participación e Extensión Universitaria, celebrará o vindeiro xoves 17 de…
A Facultade de Socioloxía, a Fundación Luis Seoane e o Concello da Coruña estamos a promocionar a instalación dunha “Aula Libre” para…
As nosas compañeiras e compañeiros, Montserrat Golías, Elvira Santiago, Ariadna Rodríguez, Laura Román, Raimundo Otero, Carlos Diz e Jose Cortés…
Dende o venres 30 de novembro ata o domingo 2 de decembro de 2018, na Fundación Luis Seoane, celebráronse as…
O reitor da Universidade da Coruña, Julio Abalde, reuniuse o pasado 18 de febreiro coa comunidade universitaria –profesorado, persoal de…
Non vos perdades estas novas xornadas organizadas na nosa facultade!
Un encontro arredor da investigación cualitativa e da historia oral como ferramentas para romper o silencio, recuperar as voces e reconstruír as experiencias de mulleres que durante décadas quedaron fóra dos relatos dominantes.
Tomando como fío condutor o Padroado de Protección á Muller, o seminario propón un percorrido que parte da investigación e do testemuño en primeira persoa para explorar tamén outras formas de narrar e facer chegar estas memorias á cidadanía, a través do audiovisual e do teatro.
Portas abertas.
📢 AVISO IMPORTANTE: CAMBIO DE UBICACIÓN Por mor dunhas obras na Casa do Estudantado, o seminario «Mulleres, memoria e investigación cualitativa» celebrarase finalmente no Salón de Graos da Facultade de Socioloxía (Campus de Elviña). 📅 Martes, 13 de outubro, de 10:45 a 14:00 h. Mantéñense a data, o horario e o programa. Só cambia o lugar de celebración. Desculpade as molestias e moitas grazas pola difusión!
Lembrade que aínda está aberto o prazo de inscrición ás Xornadas de Orientación Profesional de Socioloxía.
O prazo remata mañán ás 19h.
A inscrición é obrigatoria para acceder ao acto e para obter certificado de asistencia da UDC.
+ info e enlace en comentarios.
Agardámosvos! ☺️
SOCIOLOXÍA NOS MEDIOS
O noso compañeiro, o profesor Sergio Gómez, falaba hai uns días na radio sobre a situación da mocidade ante os problemas do presente.
Deixamos o enlace en comentarios 👇🏼
Que queres facer cando remates o Grao?
É posible que aínda non o saibas. E non pasa nada. De feito, unha das cousas máis importantes durante a universidade é precisamente coñecer as posibilidades que existen antes de ter que escoller un camiño.
Por iso organizamos e vos convidamos ás X Xornadas de Orientación Profesional para as Ciencias Sociais, que celebraremos os días 8 e 9 de outubro no Salón de Graos da facultade.
Serán dous días para coñecer de primeira man diferentes saídas profesionais e itinerarios de futuro:
🔎 Investigación social e consultoría, coñecendo experiencias profesionais en ámbitos como o desenvolvemento local ou a consultoría social.
🤝 Políticas sociais e intervención sociocomunitaria, con profesionais de entidades como Fundación Mujeres, Asemblea de Cooperación pola Paz ou a Oficina de Cooperación e Voluntariado da UDC.
💼 Orientación laboral, para coñecer recursos, posibilidades de inserción e formas de deseñar a propia traxectoria profesional.
🧭 Prácticas externas, que poden ser moito máis que unha materia do plan de estudos: unha primeira oportunidade para coñecer un sector, unha entidade e mesmo abrir unha porta laboral.
🏢 Entidades empregadoras, que vos permitirán coñecer que buscan as organizacións que incorporan alumnado de Socioloxía.
🎓 Mestrados e doutoramento, incluíndo a investigación social como unha posible vía de profesionalización.
O segundo día, ademais, presentaremos especificamente o Prácticum de Socioloxía e contaremos coa participación de varias das entidades empregadoras que acollen ao noso alumnado.
E falaremos tamén dunha opción que quizais algunhas e algúns de vós esteades comezando a considerar: facer un doutoramento e desenvolver unha carreira profesional no ámbito da investigación social.
Por que vos animamos a vir?
Porque a Socioloxía ten máis saídas das que ás veces imaxinamos, pero para poder aproveitalas primeiro hai que coñecelas. Unha bolsa, unhas prácticas, un mestrado, un proxecto de investigación, unha entidade social, unha consultoría, unha oposición, unha organización do terceiro sector, un doutoramento... non hai un único camiño nin unha única maneira de construír o voso futuro profesional.
A inscrición é gratuíta e obrigatoria, e debe realizarse a través do seguinte enlace:
udcxest.udc.gal/xest/publica/actividad/ampliar.xhtml?idobjsel=4056
A inscrición pechará o 7 de outubro ás 19h e non será posible inscribirse nin anotarse despois.
Agardámosvos o 8 e o 9 de outubro!
PENSAMENTO SOCIOLÓXICO
Loïc Wacquant é un dos sociólogos contemporáneos máis destacados no estudo da pobreza, a desigualdade e a marxinación urbana. A súa obra sitúase na intersección entre a socioloxía urbana, a etnografía, a teoría social e o estudo das formas contemporáneas de desigualdade.
Neste vídeo, a súa intervención resulta especialmente interesante para pensar a cidade máis alá das súas dimensións físicas: ¿quen queda dentro e quen queda fóra?, ¿como se constrúen socialmente os territorios estigmatizados?, ¿que papel desempeñan as políticas públicas na produción e xestión da desigualdade? Preguntas que continúan sendo centrais para comprender as transformacións das cidades contemporáneas.
Deixamos o enlace en comentarios.
Seguide a nosa canle de YouTube para máis vídeos.
